هتذهب الى اقرب فرع فودافون ومعاك بطاقتك الشخصيه وتكون سارية ومتصورهاش ، روح بيها عادى هتقابل الموظف هتقولة عاوز اشترك فى فودافون كاش ، هتمليه رقمك هيسجله على الكومبيوتر وهيعملك محفظه فودافون كاش وتدفع 5 جنيه بيحطها لك فى المحقظه ، الموظف هيديلك رقم سرى مكون من 6 ارقام ، تخدهم وتطلب *9*5# هيطلب منك الرقم السرى تدخله وبكدا تكون فعل المحفظه .
وانا بسجل معاهم الموظفه قالت لى انت عندك محفظه من البنك بتاعك مسجله على رقمك ومش هينفع اعمل لك محفظه الا لما تلغى المحفظه الى عليه ، بسرعه جريت على البنك لان الساعه كانت 3 العصر ودخلت لغيت المحفظه ورجعت تانى للموظفه بسرعه وعملت لى المحفظه .
اولا ) مين الى هيعمل المحفظه
عملاء الكارت
لو انت عميل بتشحن بالكارت هادى ممكن تشترك فى فودافون كاش وتعمل المحفظه
عملاء الفاتورة .
لو انت مشترك فى نظام دفع الفواتير الشهريه تقدرتشترك فى فودافون كاش وتعمل المحفظه.
عملاء البيزنس
لو انت عميل بيزنس ولك خطوط كتير تقدر تشترك فى فودافون كاش .
تانيا ) هتستخدم المحفظه فى ايه
1- تودع وتسحب فلوسك
2- تحول الفلوس من موبايلك لاى شخص او هو يحولك
3- تودع وتسحب فلوسك من ماكينة الصراف الالى ATM
4- هتجدد باقتك على موبايلك وتدفع النت الخاص بيك
5 - هتدفع فواتير المياه والكهرباء والغاز من موبايلك
6 - هتشترى اون لاين حتى لو معندكش بطاقة ائتمان
7 - هتشحن رصيدك او تدفع فاتورة موبايلك
8 - ممكن كمان تتبرع للمؤسسات الخيرية من موبايلك
ثالثا ) هتستخدمها ازاى
بكل سهوله من موبايلك *9# هتفتح معاك القيمة دى
1 - تحويل الاموال
2 - شحن ودفع فاتوره
3 - الدفع اونلاين
4 - دفع الفواتير
5 -السحب من ATM
6 - للسحب
7 - التبرعات
8 - خدمات الرقم السرى
9 - دفع الاقساط
10 - ضبط حسابك
تختار الخدمه الى عوزها وتدوس عليها وتنفذها فورا بكل سهولة
وممكن تنفذ كل الخطوات دى عن طريق تنزيل تطبيق انا فودافون وتدخل على فودافون كاش وتعمل كل الخدمات السابقى ببساطة جدا
تعليقات
إرسال تعليق